Ikea barnaborð - fyrir og eftir

Við fengum svona Ikea borð gefins fyrir Grím Frey. Það var farið að láta aðeins á sjá, búið að lita á viðinn, hvíta yfirborðið var sum staðar farið. Ég og sonur minn tókum okkur þá til og gáfum því nýtt líf.

Endilega kíkið á ferlið og útkomuna ....

Hér má sjá borðið eins og það var fyrir yfirhalninguna. Ef vel er að gá má sjá viðardoppurnar á borðinu. Eins var farið fyrir stólunum.

Við tókum allt í sundur, pússuðum upp viðinn með hjálp Bjössa, bæsuðum viðinn og þrifum hvítu plöturnar af stólunum og borðinu.

Í Bauhaus má finna sjálflímandi plastfilmur með alls konar útliti og þar á meðal var þessi filma sem ég féll algjörlega fyrir. Þá var komið að því að setja filmuna á sætaplöturnar og borðplötuna.

Hér fyrir neðan má svo sjá árangurinn. Við erum öll mjög ánægð með þessa yfirhalningu, hvað finnst þér?