Hér til hliðar má sjá mynd af hjónaherberginu okkar ... sem ég var mjög leið á. Mér fannst það vera litlaust og algjörlega persónuleikalaust. Við náðum því í málningarprufur og hugsuðum okkur vel um hvaða lit við myndum vilja þarna inn.Fyrir valinu varð fallegur brúnn litur frá Flugger.
Á sama tímabili fórum við í IKEA þar sem útsala var í gangi. Þar fundum við framhliðar á eldhússkápa á úsölu, hver hurð kostaði tæplega 1000 kr, alls ekki dýrt. Við erum lengi búin að vera að leita að höfuðgafli á rúmið okkar og aldrei orðið sammála ... þangað til þarna í Ikea. Þessar skápaframhliðar myndu sóma sér vel sem höfuðgaflinn á rúminu okkar.
Þetta er svo afraksturinn.
Við erum mjög ánægð með breytinguna og núna er allt annað andrúmsloft inni í svefnherberginu okkar. Litmeira og fegurra.
Það þarf ekki alltaf að eyða miklu til að breyta og bæta heimilið ... eina sem þarf er ef til vill hugmyndaflugið.
No comments:
Post a Comment